最近在家悶悶地冇嘢比我做，就睇返以前寫yblog時嘅草稿。
有一篇係六，七年前？寫嘅一篇皇帝學廣東話嘅趣事，諗返起真係笑左出來！
文章內容唔知有冇人重記得呢？
-----------------PG家長指導！
数量詞
喺Ｎ年前、娃子未出世時、老公Ｄ広東話重係窄窄地。
有次、我同老公一斉去笑●（居酒屋）飲酒食飯、飲飲吓、老公問我、広東話嘅数量詞好難…、我有Ｄ野想問你喎；
◎老公： 老婆牙、炒飯嘅数量詞係咩呀？
◎我： 喺隻碟裏面嘅叫一碟、喺碗裏面嘅就叫一碗、跌咗喺台上面嗰Ｄ咪叫一粒囉！
之後老公呆咗一陣、消化緊。 諗幾諗、點頭。" うん、わかった"（訳：哦、明白了。）
◎老公： 噉人呢？一個？
◎我： 醒目。 不過香咗之後就叫一條。
◎老公： 咩叫做「香」呀？
◎我： 香可以係「名詞」。又可以係「形容詞」。又可以係「動詞」。我講嗰個係動詞(爆)。即係「死」噉解。死又可以叫做；拉柴、瓜、瓜老襯、賣咸鴨蛋、釘、釘蓋、兩腳一伸、去…etc。
◎老公： 広東話噉複雑嘅。 噉、意粉呢？係唔係一條呢? 同日文一「本」一様吧。 因為細長い呀麻！（又幼又長）
◎我： （￣ー￣）。岩一半唔岩一半啦！意粉咪煮之前硬嘅、就叫一枝。煮完之後稔嘅、就叫一條。
◎老公： 噉、重有咩係可以叫做一條架？
◎我： 有好多嘅～譬如魚啦、頭髪、褲、裙、電話繩、手巾仔、好漢，契弟、茂利、粉腸、●様、●街…等等。
◎老公： 嘩！呢個條幾好洗喎。噉、男性●●器官応該點叫呢？係唔係同意粉一様、可以叫一條、又可以叫一枝呢(爆)？( ´益`)hihihi….
◎我： 嗯… 基本上都可以叫做一條。但唔好叫一枝喇(爆)。可以叫一碌(大爆)。視乎"情況"而定咁啦！
(老公諗左陣，之後偷笑。)
◎老公： 哦～、明白。噉、靴下は？（訳：襪呢？）
◎我： 一對麻！
◎老公： 噉女性嘅上囲都係叫做一對啦！
◎我： 正解！(爆)
我老公係唔係好叻仔呢？
(爆)
-----------------------//
當年嘅皇帝&我，
真係好鬼白痴(爆)😂😂
Search